Orkesturdagar í Nesvík

Orkesturdagar fyri blásara- og slagverksnæmingum í Nesvík 15. og 16. november 2024

Orkesturdagar verða í Nesvík fríggjadagin 15. og leygardagin 16. november 2024. Næmingar úr musikkskúlum kring landið kunnu nú melda seg til. Freistin fyri tilmelding er 1. november 2024.

Tiltakið er ætlað blásara- og slagverksnæmingum, sum verða býtt í tvey orkestur út frá torleikastigi. Skráin umfatar venjingar, matsteðgir, hugna og konsertir. Kostnaðurin er 200 kr., sum skal flytast á konto 6460-6373005 við navni á næmingi.

Tey, sum gista, verða biðin um at hava seingjarklæði við sær ella leiga hesi á staðnum fyri 70 kr. Eisini verður heitt á um at upplýsa serligan tørv í tilmeldingarskjalinum.

Orkesturdagarnir enda við eini konsert leygardagin kl. 15, og foreldur og onnur áhugað eru vælkomin at lurta.

TIL BER AT TEKNA SEG UMVEGIS LEINKIÐ