Jólakalendarin 2024 hjá Tórshavnar Musikkskúla

Aftur í ár fer Tórshavnar Musikkskúla at hava ein spennandi jólakalendara.

Í kalendaranum eru sjálvandi 24 lúkur, og aftan fyri hvørja lúku finnur tú eitt lítið filmsbrot, har næmingar framføra. Næmingarnir spæla á ymisk ljóðføri, og skráin er full av fjølbroyttum løgum.

Við jólakalendaranum bjóða vit tykkum til eina lítla konsert hvønn dag í desember mánaði fram til jólaaftan – ein hugnaligur máti at telja niður til jóla.

Kalendarin er at finna á heimasíðuni hjá Tórshavnar Musikkskúla, og lúkurnar verða eisini deildar á facebook- og instagram síðunum hjá skúlanum. Vónandi fer hetta at seta ein serligan jóladám á jólamánaðin.