Upptøkuroynd til Musikkskúlamiðnám

Um tú ynskir at ganga á Musikkskúlamiðnámi, skalt tú fyrst til eina upptøkuroynd, sum verður hildin á hvørjum ári fyrst í mai.

Næsta upptøkuroynd til Musikkskúlamiðnám

Upptøkuroynd til Musikkskúlamiðnám verður hildin fyrst í mai. Tilmeldingin er opin frá 1. desember, og freistin at melda til er 15. mars. Øll, ið ynskja at byrja á Musikkskúlamiðnámi, skulu til upptøkuroynd. 

Fyri at melda til, skalt tú fyrst velja deild, síðani høvuðsfak niðast á síðuni. 

Tilmeldingarfreist er 15. mars

Deildirnar á Musikkskúlamiðnámi

Hvussu er ein upptøkuroynd?

Soleiðis kemur tú inn á Musikkskúlamiðnám

Um tú ynskir at ganga á Musikkskúlamiðnámi, skalt tú fyrst til eina upptøkuroynd.

Tilmelding til upptøkuroynd

Tilmelding til upptøkuroynd fer fram umvegis heimasíðu musikkskúlans www.tm.fo

  • Vel breddan Musikkskúlamiðnám (ovast til høgru)
  • Vel deildirnar (klassiskt, rútmiskt ella framleiðsludeild)
  • Vel ljóðføri / høvuðsfak og melda til

Søkir tú inn á framleiðsludeildina

Skalt tú senda eina ljóðfílu við tínum egna tónleiki. Ljóðfílan skal vera mp3, wav, aiff ella líknandi. Eru nótar til verkið, skulu hesir eisini sendast sum pdf.

Ljóðfílan skal innihalda minst tvey verk. Tónleikurin má í mesta lagi vera 15 minuttir í alt. 

Freistin at senda inn er ein mánað áðrenn upptøkuroyndina. Tilfarið skal sendast til musikkskulin@torshavn.fo

 

Meting

Tá ið tú skalt til upptøkuroynd á Musikkskúla Miðnámi, er tað ein próvnevnd, sum metir, um tú ert egnað(ur) til at byrja. Metingin verður gjørd eftir 7-skalanum. Upptøkuroyndin endar við einum stuttum práti millum teg og próvnevndina. Í metingini verður serliga hugt eftir, um tú innan trý ár kanst náa einum støði, sum svarar til upptøkuroynd til hægri lærustovn.

Tað er týdningarmikið, at tú, umframt førleikar, vísir evni og tónleikaligt úttrykk. Vit mæla tær tí til at velja løg ella verk, sum tú megnar væl og følir teg tryggan við. Søkir tú inn á framleiðsludeild verður væntað, at tú sendir inn liðug verk ella liðug ljóðbland. 

Praktisk kunning

Umleið 30 minuttir eru settir av til upptøkuroyndina, íroknað meting og prát. Royndirnar verða hildnar í einum róligum og hugnaligum umhvørvi, og ljóðanlegg er tøkt, um tørvur er á tí.

Musikkskúlin útvegar ikki klaverfylgispælara ella samanspælsbólk til royndina, men kann vísa til tónleikarar, um tørvur er á tí. Eisini ber til at brúka "backing track"

Um ein ynskir tað, eru avvarandi vælkomin til royndina, men ikki til sjálva metingina.

Deildirnar á Musikkskúla Miðnámi

Fyrireika teg til 
upptøkuroyndina til
klassiskt miðnám

Høvuðsfak

Til upptøkuroyndina skal umsøkjari framføra:

  • Tvey verk við ymiskum huglagi (íalt 10 min), torleikastig samsvarandi 4-5- stig hjá Associated Board. Minst eitt av verkunum skal verða framført við fylgispæli. Hetta er ikki ein treyt fyri akkordljóðføri (t.d. klaver, gittar, akkordeon og orgul).
  • Skalar og trýklangir upp til og við trý fortekn
  • Prima vista spæl

Umleið 30 minuttir eru settir av til upptøkuroyndina, íroknað meting og prát. 

Dømi um Prima Vista roynd í høvuðsfaki:

 

Fyrireika teg til 
upptøkuroyndina til
rútmiskt miðnám

Høvuðsfak

Til upptøkuroyndina skalt tú spæla ella syngja minst 2 tónleikaverk við ymiskum huglagi (í alt 10 minuttir). Minst eitt av teimum skal verða framført við fylgispæli. Eisini ber til at brúka "backing track".

Tað er ynskiligt, at improvisatión er partur av framførsluni.

Eisini er roynd í Prima Vista (sí dømi niðanfyri) 

Dømi um prima vista roynd:

Fyrireika teg til 
upptøkuroyndina til
framleiðslu miðnám

Høvuðsfak

Til upptøkuroyndina skalt tú senda inn minst tvey verk, sum eru ymisk í stíli og dámi. Tað kann m.a. vera elektronisk verk, verk, sum tú hevur komponerað, sangir, sum tú hevur skrivað, tilfar, sum tú hevur framleitt og/ella miksað/mastrað o.s.fr.

Tónleikurin skal vera í alt millum 10 - 15 minuttir og vísa tínar skapandi, listarligu og/ella teknisku førleikar.

Tilfar at senda inn:

  • Ljóðfílur skulu sendast í vanligum fílsniði so sum mp3, wav, aiff ella líknandi. 
  • Ein stutt skrivlig lýsing av, hvussu tónleikurin/arbeiðið er gjørt.
  • Søkir tú inn á kompositión ella sangskriving og hevur nótar til verkini ella sangirnar, skulu hesir eisini sendast inn sum pdf.

Freistin at lata tilfarið inn er umleið ein mánað áðrenn upptøkuroyndina, sum vanliga er fyrst í mai.

Tilfarið verður sent til musikkskulin@torshavn.fo – skriva "upptøka til Musikkskúlamiðnám"