Á Tórshavnar musikkskúla eru lærarar, sum undirvísa á øllum sløgum av gittarum. Frálæran í gittari er við útgangsstøði í, at ikki verður skilt millum tónleikasløg fyrstu tíðina. At byrja við, fær næmingurin innlit í melodispæl, akkordir, tabulatur, nótar og teori. Byrjunartíðin er við støði í einaundirvísing og kemur næmingurin, tá ið førleikin er til tað, eisini at luttaka í samanspæli. Tórshavnar musikkskúli veitir undirvísing á gittara frá byrjanarstøði og heilt til hægstu prógvini til Associated Board. Umframt fyrireiking til hægri tónlistarskúla á Musikkskúlamiðnámi. Møguleiki er ikki at leiga gittara frá Tórshavnar musikkskúla. Lærarar skúlans vegleiða fegnir viðvíkjandi keyp av gittara.

Undirvíst verður í 30 minuttir um vikuna. Frálæran tekur støði í gittaranum sum solo-ljóðføri og fylgir einari námsæltan við tilhoyrandi menningarstigum, ið taka næmingin frá byrjanarstøði og fram í tann mun, næmingurin mennir seg. Fyri at fáa sum mest burturúr verður mælt til at venja javnan heima, helst dagliga.

Næmingarnir fáa tilfar frá lærara.

Partur av frálæruni og menningini av næminginum er at framføra. Roknast kann við nakað av konsertvirksemi um árið. Vit hava javnan næmingakvøld og konsertir, har næmingarnir framføra.

Einaferð um árið skulu allir næmingar á skúlanum til eina lítla roynd, har næmingurin spælir fyri læraranum og einum øðrum lærara og fær síðani eitt støðumet. Støðumetið er vanliga um várið. Til hesi støðumet spæla næmingarnir ikki í bólki men hvør sær.

Støðugt samskifti millum heim og skúla leggur góðar lunnar undir góða menning hjá næminginum. Umframt gerandisliga samskiftið millum lærara og foreldur eru eisini viðtalur; ein felags viðtala fyri øll foreldur við ársbyrjan og ein einstaklinga foreldraviðtala í.s.v. støðumetið um várið.

Byrjanaraldurin í gittarfrálæru er um 10 ára aldur.

Næmingurin má sjálvur eiga gittara.

Leinkja til kunning um kostnað og reglugerð (uppmøting, avboð, sjúka, farloyvi etc.)