Ein dagur á grynnuni hevur veruliga funnið sítt pláss á árligu skránni yvir tiltøk í Føroyum.
Aftur í ár eru øll vælkomin oman í Tórsgøtu í Havn at royna mat úr sjónum, lurta eftir tónleiki og njóta løtuna.

Leygardagin, 7. mai kl. 13.00 fer gentubólkurin Kalas at spæla í Reinsaríinum. Kalas spælir fólkatónleik úr ymiskum londum og tónleikararnir eru: Døgg (violin), Sigrið (kontrabass), Kristianna (akkordion) og Bjørt (cello).