Oliver Engqvist er ein av teim mætastu session-guitaristunum í norðanlondum, ið hevur spælt og upptikið við eitt nú Idu Nielsen (bassleikari hjá Prince), Hans Zimmer, Sanne Salomonsen, Medinu og mongum øðrum.

Í samband við, at Oliver vitjar í Føroyum kemur hann í Tórshavnar Musikkskúla at hava ein fyrilestur um sítt lív sum professionellur live tónleikari. Framløgan tekur áleið tveir tímar, har Oliver fortelur um sítt lív sum guitaristur á tour, sum studio tónleikari og hvussu hann er komin hartil sum hann er komin. Eisini verður høvi at seta spurningar.