Møtiskylda

  • Næmingar á Musikkskúla miðnámi hava møtiskyldu til alla undirvísing.

Frávera

  • Frávera næmingsins verður skrásett, líka mikið av hvørjum slagi hon er. Ljóðførislærari og lærarar annars, umsita sjálvir fráveruuppgerðina, men hava skyldu at boða leiðaranum á Musikkskúla miðnámi frá, um næmingur ikki lýkur ásetingar um møtiskyldu og luttøku í undirvísingini annars.
  • Er fráveran hægri enn 15%, fær næmingur av leiðsluni 1. ávaring, ið skal skrivliga váttast av næmingi ella verja, um hesin er undir 18 ár. Tekur næmingur ikki hesa ávaring til eftirtektar, fær næmingurin 2. ávaring eftir somu mannagongdum sum hina fyrru. Fleiri ávaringar vera ikki givnar. Um næmingur framvegis ikki lýkur ásetingarnar um møtiskyldu, verður viðkomandi burturvístur frá undirvísingini og skúlagongdin á Musikkskúla miðnámi og musikkskúla heldur uppat.
  • Leiðslan kann loyva næmingi fráveru, um hesin luttekur á konsertum, royndum, verkskeiðum ella uttanlandsferðum sum lið í útbúgvingini á Musikkskúla miðnámi, ella sum umboð fyri skúlan ella føroyskan tónleik.  Loyvi til hetta skal, í seinasta lagi ein mánaða frammanundan luttøku, verða játtað skrivliga frá leiðsluni.
  • Næmingur,  ið hevur verið fyri álvarsligum lívstilburði, kann halda áfram á Musikkskúla miðnámi, hóast ásetingar í møtiskylduni ikki eru fylgdar. Hetta skal, í hvørjum einstøkum føri, góðkennast av leiðsluni.

Avboð

  • Næmingur skal altíð geva grundað avboð til lærara ella leiðara av bólki, tá ið ikki ber til at møta. Um talan er um avboð yvir longri tíðarskeið, skal næmingurin  eisini geva boðini til leiðaran á Musikkskúla miðnámi.

Farloyvi

  • Farloyvi verður bert játtað eftir skrivligari umsókn frá næmingi, ið skal sendast leiðaranum á Musikkskúla miðnámi. Farloyvi verður vanliga ikki játtað í einstøku lærugreinunum.
  • Leiðslan viðger umsóknina og fær næmingurin ella verji og høvuðslærari næmingsins skrivligt svar. Munnlig loyvi vera ikki givin.
  • Freist at søkja farloyvi er 1. mai at byrja við skúlaársbyrjan í august.
  • Farloyvi verður ikki vanliga givið eftir at skúlaárið er byrjað.
X