Til ber at tekna seg til sang í Tórshavnar Musikkskúla. Klassiskan og rútmiskan kórsang umframt einsang.

Kórini eru býtt í trí menningarstig. nýkomin, ávegiskomin og víðarikomin kór.

NÝKOMIN

Sangkór 1. og 2. flokkur

Kórið er fyri børn í 1. og 2. flokki. Undivíst verður í klassiskum kórsangi. Undirvísingin er 60 min. um vikuna og fer fram á Frúutrøð. Kári Bæk og Joanna Johansen undirvísa.

Dropar

Kórið er fyri børn 9 – 12 ára aldur. Undirvíst verður í rytmiskum kórsangi. Sigrid Sivertsen undirvísir. Undirvísingin er 60 min. um vikuna og fer fram í Skansastovu.

ÁVEGISKOMIN

Sangkór 3. til 6. flokkur

Kórið er fyri børn frá 3. til 6. flokk. Undivíst verður í klassiskum kórsangi. Undirvísingin er 60 min. um vikuna og fer fram á Frúutrøð. Kári Bæk og Joanna Johansen undirvísa.

Ung stjørnuskot

Kórið er fyri børn 13 ár og eldri. Undirvíst verður í rútmiskum kórsangi og Sigrid Sivertsen undirvísir. Undirvísingin er 60 min um vikuna og fer fram í Skansastovu.

VÍÐARIKOMIN

Úrvalskórið Cantus

Hettar er klassiskt úrvalskór og verða næmingar at fara til eina roynd fyri at koma inn í kórið. Undirvísingin er 90 min um vikuna. Kári Bæk og Joanna Johansen undirvísa.

Xperiment

Hettar er rútmiskt úrvalskór og verða næmingar at fara til eina roynd fyri at koma inn í kórið. Undirvísingin er 90 min um vikuna. Sigrið Sivertsen og Edith Dahl Jakobsen undirvísa.

EINSANGUR (SOLO)

Einsangur er á musikkskúlanum ein hálvan tíma um vikuna og undirvísingin verður løgd til rættis saman við læraranum.

Frálæra í einsangi verður givin til byrjanar eins og víðarikomnar sangarar.

Stutt kann sigast at venjingin verður laga eftir røddini hjá tí einstaka næminginum soleiðis, at sangarin fær nøktandi amboð, fyri soleiðis, á ein sunnan hátt, at fáa tað besta burtur úr røddini.

Sum næmingur fær tú eisini frálæru í at handfara eina sangmikrofon. At duga nótar er ikki ein treyt, men er tó ein fyrimunur og ger tað lættari at venja heima.

Byrjanaraldur er 12 ár.